Thantlang Meithat Zung Mei A Kang tiah A Hleng Tu Ralrinnak An Pek

Thantlang Meithat Hlengtu Chan Cung Lian

TCP-Hakha| 2020 June 21| June 16, 2020 zan 10:30 Thantlang No.2 sang, Siipuaizii Bank pawngah mei a kang tiah thawng dik lo a petu Pa Chan Cung Lian cu June 20, 2020 chun 12 Thantlang peng uk zungah Penguk lei le meithat zung lutlai hna nih bia an hal tikah keimah ka si ko tiah a chim tiah theih a si.

Hi kong he pehtlai in Thantlang Meithat zung penguk bawi nih “Kan auh tikah mi tlamtling lo mi a si. Ruabuk khuami Pa Chan Cung Lian a si. Mi tlamtling siseh law upadi ningin taza cuai ding a sinain mi tlamtling lo a si caah kan ngaithiam i, theihpitu minung auh in hi hnu thil a can lonak hnga min kan thutter hna tiah The Chinland Post ah a chim.

Hmailei zongah aho paoh nih min deu le thil a silomi hlen ahcun fakpi in dantat nan si lai tiah a biapeh ah a chim.

Na ruahning rak langhter ve.. (Leave a comment)

%d bloggers like this: