Thantlang Myoma Market Sing 8000 Dih In Golden Development Group Nih An Sak Lai

0

Salai Elvis| 2018 March 27| Thantlang khuachung Myoma market cu Golden Development Group nih sing 8,000 dih in tukum April thla dih in rian hma an thawk cang lai tiah thawng kan theih.

Chin ramkulh cozah nih tangka tamtuk a dih dingmi a dangtein tangka chiahpiak a si lo caah a leng lei in a sa khomi papek an si lai ti a si caah a tubantuk in Golden Development Group nih sak dingin Chin ramkulh cozah sin ah saknak ca (proposal) an chiah lio a si.

“Mah Company a ngeitu Pi Golden te nih anmah sak dingin tiah Chin ramkulh cozah sin ah ca an hal lio a si. Anmah a sa tu ding hi Laimi an si. Ramkulh cozah nih an hnatlak ahcun kaphnih hnatlak (MOU) minthutnak an tuah lai. Hnatlaknak an tuah khawh cun April thla dih lei ah khin rian an thok colh lai. Hi inn saknak ding a dih zong a buaktlak in sing thong 8 hrawng a dih lai an ti. A tu cu inn muisam lawng a chuah rih” tiah sipin Committee Chairman Pu Ram Khar nih TCP ah a chim.

market sakdingmi design

Hi inn cu dot thum le cheu in an sak lai i a tangcem ah motor 20 naktlawm lo chiahnak, dot hnihnak ah anhringso, dotthum le dotlinak ah thilpuan dor le a cungcem cu a herhnak ca paoh ah hman khawh ding in an sak lai tiah theih a si.

“Tangka an dih zat zong inn khaan zuarmi man lila in cham a si than lai. Inn khaan a man zuar ning le a zat zong tlawmpal ah Committee te nih biachahnak an ngei than te lai” tiah Pu Ram Khar nih a chim.

Golden Development Group nih Chin ramkulh khuapi cheukhat khuali hrawngah Market sakding an ngeihmi chungah Thantlang hi pakhatnak bik ah sakpiak dingin timhtuahnak an ngei. Thantlang market a thar sakpiak dingin Vice President Pu Henry Van Thio avoi khatnak Thantlang a phanh lio ah khuanu/pa nih an rak hal bal cang nain, cung lei nih budget chiahpiak mi a um lo caah a tu bantuk in Golden Development Group nih sakpiak than an timh hna hi a si. Atu lio Thantlang Sipin nih tlaihmi market chungah thil zuar minung 30 nak tlawm lo an um tiah theih a si.

Golden Development Group nih Thantlang market sak an timhmi hi dawrkhaan 100 tluk a um lai. Atu lio market thil zuartu cu caan karlak chung thil zuarnak hmunhma an zohpiak hna lio a si tiah kan theih.

About The Author

Na ruahning rak langhter ve.. (Leave a comment)

%d bloggers like this: