Thantlang Palek Umnak Inn Hnih Tukum Chungah A Thar An Sak Than Lai

0

Salai Elvis|2019 April 23| Thantlang khuachung palek riantuantu hna umnak inn cu 2018-2019 budget kum ah  inn thar pahnih an sak than lai tiah tuanvo ngeitu sin in kan theih.

Tukum chungah Palek riantuantu hna umnak inn hnih sak ding cu tlangval umnak (lu-pio-sawng) minung 30 tlum sing 76.51 le riantuantu dang hna umnak inn thar khan ruk kawp sing 183.17 dih in 2018-2019 budget kum chung dih dingin sak than an timh hi a si.

2017-2018 budget kum ah Thantlang khuachung palek riantuntu hna umnak inn khan 6 kawp dothnih sing 1,800 renglo dih in sak cuahmah lio pi a si i a tulio ah 80% rian an dih cang. Cu bantukin hi budget kum thiam ah Palek bawi hna umnak inn zong sing 91.53 dih in Oh-chin-Titsa Company nih riantuan lio mi zong 85% an lim ve cang.

 Thantlang palek zung riantuan umnak inn cu a hlunh tuk pin ah a rawp cang caah siarem te in an um kho ti lo. Cu pin ah Palek Quarters inn zong nih a tlum hna lo pin ah khuachung ah mah tein inn a hlang mi zong an um caah a tubantuk in Amyotha Hluttaw MP Pu Bawi Khing nih a halpiak hna hnu ah Budget a tlak hi a si.

About The Author

Na ruahning rak langhter ve.. (Leave a comment)

%d bloggers like this: