Thantlang peng caah 2020 November 8 Thimnak a zuam dingmi minung 19 an si

Thantlang khuachung (Photo: Lailungrawn)

Salai Tluangkipthang – A ralaimi 2020 November 8 Rampi Thimnak ah Chin Ramkulh, Thantlang peng in hmunhma (thutnak) 4 caah minung 19 nih an i cuh lai tiah Chin State Election Commission nih a fehter cang.

Thantlang peng thimfung thlaknak hmun 4 cu; Pyithu 1, Amyotha 1, le Pyine 2 in a si.

Tutan thimnak ah, Thantlang peng caah Party 5 le pumpak (independent) in minung 19 an si.  Thantlang Township (peng) chung in Thimnak a zuam dingmi hna cu a tanglei bantukin an si;

Pyithu Hluttaw, Thantlang Township

1. Mr. C. Za Cung, National League for Democracy (NLD)
2. Mr. Zo Peng, Union Solidarity and Development Party (USDP)
3. Mr. Dokhar, Independent
4. Mr. Van Za Rung, United Democratic Party (UDP)
5. Mr. Van Bawi Lian, Chin National League for Democracy (CNLD)

Amyotha Hluttaw No. 10, Thantlang Township

1. Mr. Van Hmun Lian, Chin National League for Democracy (CNLD)
2. Mr. Biak Lian Thang, United Democratic Party (UDP)
3. Mr. Siang Lian Hmung, Union Solidarity and Development Party (USDP)
4. Mr. Henry Van Thio, National League for Democracy (NLD)

Pyine Hluttaw, Constituency No. 1, Thantlang Township

1. Mr. Chan Ham, National League for Democracy (NLD)
2. Mr. Za Neih Lian, United Democratic Party (UDP)
3. Mr. Van Ni, Union Solidarity and Development Party (USDP)
4. Ms. Sing Chin Thang @Chinchin Pekthang, Chin National League for Democracy (CNLD)
5. Mr. Lal Maung Cung, Chin National Party (CNP)

Pyine Hluttaw, Constituency No. 2, Thantlang Township

1. Mr. John Lung Thli Tum, Independent
2. Mr. Dar Kung, United Democratic Party (UDP)
3. Ms. Ni Sui Lian, National League for Democracy (NLD)
4. Mr. Hmun Rung Lian, Chin National League for Democracy (CNLD)
5. Dr. Hmuh Thang, Union Solidarity and Development Party (USDP)

Thantlang peng thimfung thlaknak hmun (constituency) an then ning cu hmun 2 in a si.

Thimfung thlaknak no. 1 ah, Thantlang khuachung sang (block) 1 le 2 telh in, Khualhring tlang, Vanzang tlang, Zahnak tlang, Bual peng le Vailam tlang hna an si.

Cun, Thimfung thlaknak no. 2 ah Thantlang khuachung in sang (block) 3 le Zophei, Lautu, Mara peng le Vailam tlang in Tlangrua in a si.

Ramkomh Kawlram ram tungtlang sernak ning in, Ramkulh (State)-7 le Ramthen (Region)-7 in Amyotha ah palai 12 cio thlah a si. Cucu, Chin ramkulh in milurel tam bik nak, Hakha, Tedim le Paletwa nih Amyotha palai 2 cio an ngeih.

Pyithu Hluttaw bel cu, Myone le Milurel ning in palai thlah a si caah, Chin ramkulh in Myone (peng) pakhat in palai pakhat cio lawng ngeih a si i Pyithu Hluttaw palai 9 an si.#

Biakilh: Sub Election Commission, Chin State cherchan in tialmi a si. ~ Editor

Na ruahning rak langhter ve.. (Leave a comment)

%d bloggers like this: