Thantlang Peng Hluttaw Budget Sing 1000 In Khua 40 Bawmhnak An Pek

0

Salai Elvis| 2019 April 22| 2018-2019 Budget kum Thantlang peng Hluttaw budget sing 1000 dih in khua 40 ah bawmhnak an pek cang hna tiah kan theih.

Hi bawmhnak cu khuate lei nih an herhmi pawl chimrelnak an ngeih mi chungin tuanvo ngeitu hna nih khua thim le rian tuanding zoh hnu ah aa tlak ning in an phawtzamh hna hi a si.

Tu kum chungah bawmhnak an pek mi hna khua cu; Bungkhua (sing 20), Tlanglo (sing 20), Thangzang khuathar (sing30), Aibuk (sing 20), Ruabuk (sing 25), Hnaring sangthen No.2 (sing 25),  Tlangte (sing30), Sentung (sing20), Surngen (sing 25), Thlualam (sing 20), Thantlang sangtheng No.3 (sing 20), Phaikhua (sing 20), Sangpi chung (sing 20), Tahtlang (sing 30), Vanzang (sing 30), Zaangtlang (sing20), Arcirh (sing 20), Khuafo (sing 20), Khuabung (A) (sing 30), Lawngtlang khuathar (sing 20), Leitak(A) (sing 25), Kuhchah (sing 25), Hriphi (A) (sing 30), Congthia (sing 30), Tikir (A) (sing 30), Thantlang khuachung sangthen No.3 (leilam cawhnak sing 15), Vomkua (sing 30), Innhmunpi (sing20), Tlangkhua (sing 30), Hriphi (B) (sing 30), Thangaw (sing 30), Zaabung (sing 30), Leitak zipi (sing 30), Zephai (B) sing 25, Salen (sing 30), Fanthen (sing 20), Saacek (sing 15), Mualkai (sing 20), Khuahrang (sing 20) le Lulpilung (sing 20) an zapi khua 40 le tangkafang  sing 970 bawmhnak an pek hna.

“An mah le khua cio nih an herhmi an chim rel hnu ah hi hna khua cu bawmhawk aa tlak ko tiin, Hluttaw palai minung 4, penguk zung, sipin le Simanking zung tuanvo ngeitu hna he tiin kan thim hna hnu ah kan bawmh hna hi a si. A tu tanah khua 40 an si i a tangka fang in sing 970 a si. Sing 30 a tang mi hi rian an tuan mi va zohfelnak le ca tial le catlap man ah chiah i hman ding a si.” tiah Amyotha Hluttaw MP Pu Bawi Khing nih TCP ah a  chim.

Tutan bawmhnak pek mi le khua cio nih an herh in rian an tuan mi hna cu khuachung lam remhnak, dinti lak nak le ti khonnak, luti luannak (yepun), khuakhat le khuakhat i pehtlaihnak lam cawhnak le hlei tuahnak tibantuk riantuan ding deuh a si hna. A luanci  2017-2018 kum zongah Thantlang peng in khua 37 hna zong Hluttaw budget sing 1000 in bawmhnak pek in an rak thenh phawt bal cang hna tiah kan theih.+++

About The Author

Na ruahning rak langhter ve.. (Leave a comment)

%d bloggers like this: