Thantlang Peng Khua 35 Ah Solar Mei A Ceu Cang: Tu Kum Ah Khua 13 An Bamwh Rih Lai

0

Salai Elvis| 2018 November 13| Khuate thanchonak zung nih tawlrelmi NEP Program in Thantlang peng khua 35 ah Solar mei a ceu cang i 2018-2019 kum ah khua 13 an bawmh than hna lai tiah theih a si.

NEP Program in avoi khatnak 2016-2017 kum ah khua 26 (International Compititive Bidding- ICB -1), 2017-2018 kum ah khua 9 (ICB-2) le 2018-2019 kum ah khua 13 (ICB-3) an bawmh than hna lai.

Tutan khua 13 an bawmh than dingmi hna cu; Tlangrua (B), Thau (A), Lungler, Salen, Lawngtlang, Hmawngtlang, Lailen, Zaangtlang, Tluangram (Sacek), Tikhuangtum, Tahtlang, Hriphi (B) le Dawn khua an si.

An bamwhmi mei tha cu 60W le 100W a thawngmi a si lai. Hi chungah Lam mei, Sianginn, Biakinn le Ngandamnak inn tibantuk cu alak (free) in an vanpiak hna lai tiah theih a si.

“Bawmhnak pekmi pawl cu mah duh paoh in zuar le khuapi chungah i kalpi tibantuk tuah a ngah lai lo. Cun hi solar mei cu kum 2 (aa-ma-khan) a si i aa rawk sual ah cun Company lei nih man lo tein an remhpiak hna lai. Kum hnih hnu ah aa rawk sual a si cun aa rawkmi te kha inn ngeitu hna nih an cawk khawh than. Pakhat khat aa rawh sual ah cun mah nawl in remh le phoih a ngah lo. Thawng an kan thanh hnu ah a thiammi hna nih a va tuahpiak hna lai. Hi kongah thiamsang lei minung pahnih Thantlang ah an chiah hna” tiah Thantlang peng khuate thanchonak zung lutlai nih TCP ah a chim. +++

About The Author

Na ruahning rak langhter ve.. (Leave a comment)

%d bloggers like this: