Thantlang Peng Khuabawi Hna Nih Chief Minister Sin Ah Rian Phun 186 An Hal

Photo: The Chinland Post

Salai Elvis| 2018 November 25| Thantlang NLD (National League for Democracy) zungthar hunnak tuah pah in November 24 Thantlang Town Hall ah Chin ramkulh cozah le khuate khuabawi hna tel in mizapi ton biaruahnak ah Thantlang peng khuabawi hna nih Chief Minister sin ah rian phun 186 an hal tiah kan theih.

Thantlang peng khuakomh(oh-suh) le sangthen khuabawi hna nih thanchonak caah Chin ramkulh Cozah sin ah riantuanpiak ding in an halmi hna cu; Lam rian phun 56, Hlei donhpiak ding le luti luannak (zi-puun) rian phun 38, Dinti lak piaknak caah rian phun 33, Mei kong ah phun 7, Cozah riantuantu hna umnak inn phun 48, Fimcawnnak le ngandamnak kongah phun 2 le a dangdang caah rian phun 2, a zapi rian phun 186 tuahpiak dingin Khuabawi vialte ai-awh in Thlualam khuabawi Win Hlaing nih biahalnak a tuah hna.

Hi rian vialte cu Thantlang peng khuakhat hnu khuakhat, anmah le an herh ning, an chambau ning cio fonh hnu ah rian a si ning dikthlir le riantuannak ding khua hna cu ca in an pek hna.

“Hi rian nan kan halmi pawl cu ramkulh cozah nih kan in tuahpiak khawh hna lo hmanh ah rampi cozah sinah chimphuan kan i zuam than lai” tiah Chief Minister Salai Lian Luai nih a leh hna.

Na ruahning rak langhter ve.. (Leave a comment)

%d bloggers like this: