Thantlang Peng Tanghra Awng Ah A Chungkaimi Nakin A Leng Phimi An Tamdeuh

Salai Elvis| 2018 June 5| 2018 kum Thantlang peng chung in tanghra a awngmi hi a chungin a kai i a awngmi nakin a leng in a camipuai a phi i a awngmi an tam deuh tiah theih a si.

Thantlang peng tanghra sianginn a ngeimi hna khua cu Thantlang khuachung ah tanghra phitter dih an si. Thantlang peng chung ah a chungin sianginn kai i tanghra camipuai a phimi nu 101 le pa 91 an zapi minung 192 an si. Hi chungah nu 6 le pa 9 an zapi minung 11 lawng an awng i zatuak 5.73 % an si. Cu bantuk in a leng in tanghra a phimi nu 65 le pa 42 an zapi minung 107 an phi i hi chungah nu 15 le pa 12, zatuak in 25.23 % an awn caah a leng phimi hi zatuak 19.5% in an an tamdeuh.

Thantlang peng tanghra sunghawn a chiatnak kong he pehtlai in Thantlang peng fimcawnnak zung lutlai nih a hmuhning a tubantuk in TCP ah a chim.

“Thantlang peng tanghra sunghawn a chiatnak hi cachimtu kan i deih lo caah a si, Tlangpi le Hriangkhan tanghra sianginn cachimtu kan zoh tikah minung pakhat lawng an si. Cachimtu dang an vun chiah hna tikah siangniamruun cachimtu hna nih siangsangruun an chimhmi hna hi cu a si kho bak lomi a si. A ruang bik cu cachimtu i tinzawh lo caah a si ko.”

Tukum Thantlang peng chungin tanghra awngmi nu 21 le pa 17 an zapi minung 38 an si i zatuak 12.71 % lawng an awng. Chin ramkulh pengkip tanghra awng result vialte lakah a chia bik changtu a si, a chiabik cu zatuak 4.25 in Paletwa peng an si.

Na ruahning rak langhter ve.. (Leave a comment)

%d bloggers like this: