Thantlang Peng Tanghra Sianginn 6 In Pakhat Hmanh Tanghra An Awng Lo

Salai Elvis| 2018 June 5| Thantlang peng chung ah Thantlang khuachung tanghra sianginn pahnih telh lo in khua 12 ah tanghra sianginn a ummi lakah sianginn 6 cu minung pakhat hmanh tanghra awngmi an um lo tiah kan theih.

Thantlang khuachung he telh in Thantlang peng ah tanghra sianginn 14 an um. Hi chungah BEHS No.1 (a-tha-kah No.1) in minung 77 an phi i minung nu 2 an awng. BEHS No.2 sianginn in 43 an phi i 7 an awng. Thantlang peng Hnaring khua in minung 28 an phi i nu 1 te lawng a awng. Ka dang khua tanghra sianginn a ngeimi hna cu ahohmanh an awng lo.

Thantlang pengah tanghra sianginn a ngei i siangngakchia tanghra a phimi khua cu; Hnaring 28 (minung 1 awng), Ngaphaipi minung 12, Hmawngtlang 4, Farrawn 11, Tlangpi 7, Hriangkhan 9 le Aibur 1 hi an si. Tanghra sianginn a ngei i siangngakchia ngei lomi khua cu Hriphi, Zephai, Tlangkhua, Tikir le Lungler khua an si. 2018 kum Thantlang khuachung le peng chungin tanghra a phimi dihlak minung 299 an si i minung 38 an awng. Minung pakhat nih Mathematics ah Distinction a hmuh tiah Thantlang peng fimcawnnak zung cazin ning in theih a si.

Na ruahning rak langhter ve.. (Leave a comment)

%d bloggers like this: