Thantlang Private Sianginn Pakhat Aa Chap

0

Salai Elvis| 2019 April 25| Thantlang khuachung ah Brighter Future Private School a thar pakhat aa chap than caah Private sianginn pathum a um cang tiah kan theih.

“Kum 2019-2020, Brighter Future Private School ah Sianginn kai a duhmi caah Sianginn luhnak (Application for Admission) form zong an zuar cang. Form pakhat ah Ks. 5000/- a si. Minung rikhiah a si. Class pakhat ah Minung (20) lawng cohlan a si lai. Motor in don le thlah a si lai. Brighter Future Private School ah KG., Grade (1) le Grade (2) kai kawh a si. Kumkhat caah, KG (1) = Ks. 350,000/- KG (2) le KG (3) = Ks. 370,000/- a si. Hi chungah hin Sianginn Uniform aa tel chih lai. Kumkhat chungah voithum in pek a si lai. Cacawn thawkka ah voikhat, kum canceo ah voikhat le kumdongh ah voikhat tiin pek khawh a si. A thla in pek a duh mi hna caah thlakhat ah Ks. 41,000/- in pek khawh thiamthiam a si. Brighter Future Private School hi cozah nih tha tein theihpimi a si. Hmundang in kaithan an duh zongah an kainak a herhmi vialte Brighter future nih tuanvo a lak” tiah Brighter Future Private School Facebook page ah an langhter.

“Kan ram le miphun nih a herh bik mi fimthiamnak a phunphun le nuncan ziaza tha cawnpiaknak sianginn Smart Private School cu 27, May 2019 in kan thok cang lai. A hlei in Mirang holh papek a si lai. Mirang holh in lentecelh le hawikomhnak kan ngeihpi hna lai i kan sianginn in primary a dihmi cu Mirang holh an thiam hrimhrim lai. Chawnhbiaknak holh (Conversational English) hi Laimi kan thazaang dernak a si caah tha kan pek lai. May 27 ni ah sianginn luh a si lai. Soknak caan (admission period) cu 2019 April 15– May 20 chung a si lai. Luhnak Form lak i May 15 hlan ah ap ding a si lai. May 15 hlan ah a ap lomi cu May 15-20 ah Form kan zuar than lai. Minung tlawm tein a that khawh chung in cawnpiak le zohkhenh kan duh caah class pakhat ah minung tlawm te lawng kan cohlan lai. Quality education hi a biapi bik ah kan chiahmi a si. Atang lei bantuk in minung kan cohlan. Pre-KG(mucu) – minung 20 (Kum 4 le 5), KG – minung 25 (Kum 5 le 6), Grade 1 – minung 25, Grade 2 – minung 25.” tiah Smart Private School page ah an langhter.

Chinland Flower Private Middle School zong May thla canceo in 2019-2020 ca cawn kum caah siangngakchia minung an cohlan ve cang lai tiah kan theih.

About The Author

Na ruahning rak langhter ve.. (Leave a comment)

%d bloggers like this: