Thantlang Quarantine Chiahmi Minung 37 An Chuak Zau Ve Lai

Thantlang khua ah Quarantine an chiahnak hna hmun; Photo iprd thantlang

TCP-Thantlang|20 May 2020|  Thantlang khuachung a tu lio zawtnak kong he pehtlai in Na-tah-lah sianginn ah Quarantine chiah mi minung 37 hna cu May 22 ah chuah dingin tuanvo ngeitu hna nih timhtuahnak an ngei tiah kan theih.

Na-tah-la sianginn ah chiah mi hna cu case N0.150 Hakha zawtnak hrik ngeimi nu he neihniam in motor aa cit mi hna le an chungkhar neih niam deuh an si hna.

“Minung 37 Na-tah-lah sianginn ah Quarantine chiah mi hna cu thaizing kip May 22 ni chun hlan ah chuah hna ding in timhtuahnak ngeih a si. Siizung ah ngiatthlai mi 4 chungah pakhat cu Positive a si caah Hakha siizung ah thial a si. A mah he telh in an dih lak Quarantine chiah mi minung 41 an si.”tiah Na-ta-la Quarantine a hngak i siizung lei tuanvo ngeitu pakhat nih TCP ah a chim.

Thantlang siizung

Atu lio Thantlang khuachung ah Quarantine chiah mi siizung ah minung 4 an si i pakhat cu Positive a si caah Hakha siizung ah an thlop lio pi a si. Siizung ah chiah mi minung 3 cu Yangon ah Swab an kuat hna lio a si i a phi hngah lio an si. Cun Na-ta-lah sianginn ngakchia minung 3 he telh in an dihlak 37 hna cu Swab an lak mi hna an dihlak in Negative an si caah le Quarantine caan a dih cang caah a tu bantuk in chuah an si cang lai.

Quarantine um mi hna cu zan ah Palik nih an hngah hna pin ah chun ah cozah lei rian ngeitu hna, Volunteer Team mino bu hna le a dangdang nih an hngah ve hna.

 

Na ruahning rak langhter ve.. (Leave a comment)

%d bloggers like this: