Thantlang Sangthar Khuachunglam Luti Lam Ah Aa Cang
Salai Elvis| 2018 June 11| Ruah cat lo in a sur caah Thantlang sianginn sang hmunthar khuachung lampi cu cycle le motor kalnak tha lo in luti lam ah aa cang tiah theih a si.
Hmunthar ah inn 90 leng aa sa cang i minung 50 renglo an um cang. Umkalnak tha loin luti nih lam a hrawh dih. Khuachung zalam pi cheukhat zongah ruah fakpi in a sur caan ah luti luannak tuahmi ah luan lo in zalam cungah luti an lung len. Ruah cat lo in a sur caah Saisihchuak lam hmun thenkhat ah lam an cimh len caah khualtlawng cheukhat harnak an tong. Thantlang peng khua le khuachung ahcun fak ngai in mincimhnak a chuah le chuah lo theih a si rih lo.