Thantlang Sangthen No.1 Nih Zungkip Fonh 9-0 In An Tei Hna I Champion An Co
champion cotu
Salai Elvis| 2018 July 4| Thantlang khuachung Township Sport Development Programe (TSDP) pumpululh chuih Final ni ah Sangthen No.1 sianginn sang le zungkip fonh cu pakhatnak an i cuh i 9-0 in sianginn sang nih an tei hna.
Mah ni ah mah le umnak hmun cio in thiamhlei laksawng zong pek chih an si. Kawlbawh thiambik Hre Peng (sianginn sang), hnukham Khua Kil Thang (zungkipfonh), alai kal Sang Nawl (sianginn sang), hmaikal thiambik John William (sianginn sang) le a chuihmi vialte lakah a thiam bik timi cu Cung Cin Thawng (sianginn sang) in an si i mah hna pawl cu Trophy laksawng pek an si.
Cu pin ah Tennis tuk pakhatnak ah Biak Uk Lian le John William an si i pahnihnak cu Rev. Dr Al Bik le Pu Thla Hmung nih laksawng an hmuh.
Tutan pumpululh chuih zuamnak laksawng cu ramkulh Upadi bawizik Pu Sony Thang Cung nih laksawng a pekmi hna an si. Pumpululh chuih pakhatnak laksawng Seal, medal le tangka sing 3, pahnihnak madal le tangka sing 2 pin ah thiamhlei laksawng minung 5 Trophy an pek hna lai. Tannis pakhatnak 70,000 le pahnihnak 50,000. Marathon tlik zuamnak zong pathumnak tiang laksawng an pek hna.
