Thantlang Sianginn Sang Market Sa Thahnak Hmun Ah Mizei Paoh Nih Va Thah In Zuar Khawh A Si Lai
Salai Elvis| 2018 Sept 21| Thantlang khuachung sianginn sang sa thahnak hmun cu License a la mi an um lo caah sipin sin ah vok lukhat (sa pumkhat) man 45,800 liam dih in pumpak sa thah a duh mi paoh nih vai thah khawh a si lai tiah theih a si.
Sa thahnak then hnihnak (sianginn sang) Market cu sipin nih ri khiah mi zat an phak khawh lo caah a tubantuk in License an lak khawh lo nak cu a si.
“Sianginn sang sa thahnak cu Sipin nih rikhiah mi zat (cian-khin-ye) an phak lo caah License an lak khawh lo nak cu a si. Kum khat caah vok License ri khiah mi cu sing 6,600,000 a si i an mah nih sa ticle 70 hrawng zuar i License man sing 40 hrawng lawng in an ngamh ve nain kan mah nih kan duh ve lo. Sa thahnak hmun khatnak (Biakinn sang) market tu cu License an la khawh caah License pek an si i zulh phung kan suai mi an zulh lo i an ngeih lo cun dan tat i an License chuh bak an si ko lai” tiah sipin Committee Pu Nawl Ceu nih TCP ah a chim.
Biakinn sang sa thahnak License a hmu mi hna cu voksa Pi Sung Tlem nih 11,210,000 Ks. (sing za le sing hleihnih le thonghra) in a lak, Sasen cu Pu Khua Tin Lal nih sing 6,755,000 in an lak caah phungning in October thla thok in zuar ter an si cang lai i sianginn sang sa thahnak zong cu ni thiam in an thok ve lai tiah theih a si.
Thantlang Market Sa thahnak License (sa-choh) chungah Sianginn sang sa thahnak cu zarhkhat ah vok 3 lawng thah khawh a si lai i sa sen pum khat lawng thahnak nawl pek a si. Cu bantuk in Biakinn sang market zong zarhkhah ah vok 5 le sa sen pathum lawng thahnak nawl an ngei tiah theih a si. +++
About The Author
