Thantlang Town Plan Ah Baisakup Zung le Set-hmuh Zung Telh In Thil Phun 12 Leng Ceihhmainak An Ngei
Salai Elvis| 2018 November 4| Thantlang Town Plan Committee le tuanvo ngeitu hna nih November 1 ah Thantlang khua hmailei thanchonak kong Plan an suaimi chungah Cinema (suk-sin) zung le set-hmuh zung telh in thil tampi ceihmainak an ngei hna tiah theih a si.
Hmailei Thantlang khua thanchonak (Town Plan chung) ah a bik in an ceihmi hna cu; Set-hmuh zung chiah ding, Motor tampi i dinhnak hmun (khua hlun lei), College sianginn chiahnak ding hmunhma (theipi tlang lei ah), Baisakup (Cinema) zung chiahnak ding hmun le Pumpululh chuihnak (san-ching-hmi) certual hmunhma, Ti lionak, zungriantuan umnak inn, Government Technical High School (GTHS) sianginn chiahnak ding (pawhte rawn lei), Helicopter tumnak ding( phungki pura pawng), Ma-ha-dat line 66Kv seh hunnak ding (Tlangnuam dum kam), Hnawmthletnak hmun hnih tuah ding, Sa thahnak hmun khualengah tuahding (Lungpon lam lei) le Sipin Area le khuachung kauh chapnak ding kong le a dangdang ceihhmainak an ngeih hi a si.
Town Plan kong ah an biachahmi pawl cu Ramkulh Cabinet nih biachahnak a tuahpiak hna hnu ah riantuan an thok colh ve te lai. Hi tonbiaruahnak chungah Thantlang Town Plan committee, Hluttaw palai, Khuanu/pa, Sangchung khuabawi, Cozah lei tuanvo ngeitu hna tel in ceihhmainak an ngei hna tiah kan theih.
About The Author
