Thantlang TSDP Pumpululh Chuihzuamnak Upadi Bawizik Pu Sony Thang Cung Nih Laksawng A Pek Hna Lai

Salai Elvis| 2018 July 1|ย June 28 zanlei sang ah thokmi Township Sport Development Programe (TSDP) min bunh in tuahmi cu July 4 zanlei 2:00pm ah Final an kai cang lai tiah theih a si.

Hi pumpululh chuih zuamnak cu sangthen pathum, zungkip fonh le fimcawnnak zung tiin phu nga an si i nikhat ah puai khat an chuih tiah theih a si. Chuih cangmi le a awngmi phu hna June 28 (2:00pm) Fimcawnnak zung 6-1 sangthen No.3, June 29 (1:00 pm) Zungkip fonh 1-0 Sangthen No.2, Fimcawnnak 0-4 sangthen No.1, June 30 (3:00pm) Sangthen (No.3) 0-9 Saangthen No.1, July 2 (1:00pm) Sangthen No.2 le Sangthen No.1 an chuih dih in Zungkip fonh le fimcawnnak an chuih lai i mah chungah a awng mi veve cu July 4 zanlei (2:00pm) ah Final an chuih lai.

Tutan pumpululh chuih pakhatnak laksawng Seal le tangka sing 3, pahnihnak medal thi le tangka sing 2 pin ah thiam hlei laksawng minung 5 Trophy an pek hna lai. Tannis pakhatnak 70000 le pahnihnak 50000. Marathon tlik zuamnak zong pathumnak tiang laksawng pek dingin timh tuahnak an ngei. Hi laksawng cu ramkulh upadi bawizik Pu Sony Thang Cung nih laksawng a pek hna lai tiah theih a si. +++

Na ruahning rak langhter ve.. (Leave a comment)

%d bloggers like this: