Thantlang World Teacher’s Day Ah Pension Minung 28 Upatpeknak An Tuah Hna

0

Thantlang Teachers Day/The Chinland Post

Salai Elvis|2019 October 7| Vawlei cung siangcachim Saya/ma hna ni (World Teacher’s Day) cu Thantlang BEHS No.1 Hall thar ah October 5 ah tuah a si i cuchung ah pension a la cang mi hlanlio siang cachim Saya/ma a rak tuan bal mi minung 28 cu upat peknak zong an tuah hna tiah kan theih.

Kum 70 in a cunglei upa deuh an si hna i puanbu (blanket) zunkhat 26000 man pakhat cio lak upat peknak laksawng zong an chuahchih hna. Mah ni ah pension a la cang mi cazin khawmh khawhtak minung 28 sawm an si nain minung 10 hrawng lawng an cu hmun ah an ra kho. Mah ni ah hangthlum le changreu zong an tangh chih hna tiah kan theih.

“Siang cachim saya/ma pension pawl upat peknak le laksawng pek nak cu sunglawi taktak in an kan tuah piak. Kei zong a tutan ah ka voikhatnak kaa tel a si. Kan tuan lio taktak ah cun Cozah nih pawkhim, rilkhim in thlahlawh an kan pe kho lo nain  kan i dinh hnu ah  Pension tampi an kan pek. Kan u le pawl zong Pathian nih a kan zaangfah lai i Pension hi caan saupi kan ei ta hna lai ti zong tha ka pek hna. Tutan ah aa tel kho mi hna hi pakhat hmanh tlawttlau lo tein  kumvui a tutik World Teacher’s Day tu kan phak ter hram seh.” tiah Saya Ngun Mang nih a chim.

About The Author

Na ruahning rak langhter ve.. (Leave a comment)

%d bloggers like this: