Thantlang Youth Association A Caan Thumnak Hruaitu Thar Thimnak An Tuah
Salai Elvis| 2018 May 27| Thantlang Youth Association (TYA) a caan thumnak hruaitu thar thimnak cu Church On The Rock (COTR) biakinn May 27 ni ah tlamtling tein an tuah. TYA President hlun Pu Tuan Uk cu Saya Khua Lian Hmung nih a chan cang. Hi thimnak cu TYA mino Ganeral Meeting minung 31 hnatlaknak in thim mi a si.
2018-2019 kum hnih chung TYA hruaitu ding hna cu; President Khua Lian Hmung (sianginn sang), Vice President-I Pu Tuan Uk (sianginn sang) le Vice President- II Mai Rem Hlei Par (zunghmun sang) Secratary Pu Bawi Ram Hu (Market sang), Pa Hlei Thawng (Zunghmun sang) le Pu Fung Lian Thang (TABC sang) an si i Treasurer Mery Van Cer Cin (Saihpiozi sang), a bawmtu Pu Rual Peng (Biakinn sang) le Nu Dawt Tin Zi (Lungtial sang) an si.
TYA hruaitu i thimnak chungah Thantlang khuachungah sangthen pathum a um i a tlawmbik sangkhat minung pakhat cio OC chungah i tel kho dingin phunghram chungah a um bantuk in sangkhat ah minung pakhat/pahnih cio tel in thimnak an tuah hi a si.
Mah ni ah Thantlang peng Hluttaw palai Dr. Hmuh Thang nih a telpi hna i TYA caah a saduhthat le forhfial biachimnak a ngeih hna. Mah pin ah hruaitu thar a tlingmi hna nih biatawi chimnak zong an ngeih cio.
TYA cu 2013 June thla in rak dirhmi bu pakhat a si. A bikin khua ram thianhhlimhnak le mino hna a kapkip in thanchoter, cawisan, mino i hawikomhnak caah pumpululh chuih zuamnak le a herhning in khua caah rian a tuanmi bu pakhat an si. Cozah nih phungning in Register zong a pek cang hna. A tu hi avoi thumnak hruaitu thimnak le thlennak an tuah cang tiah theih a si.
About The Author
