Thantlang Youth Association Nih Avoi 2nak Tho Puai An Tuah Lai

Salai Elvis| 2018 Tho 7|ย Thantlang Youth Association (TYA) nih October 24 (nithum ni) ah avoi 2nak Tho Puai cu Lalluai certual ah sunglawi tak in an tuah than lai tiah thawng kan theih.

Tho puai cu khuanu/pa le tuanvo ngeitu hna nih hrihhawhnak a um lo caah TYA mino nih anmah lungtho tein tuah an timh hi a si. Chin kumthar (Tho) puai cu nisunglawi puai phunkhat a si bantukin zinglei a caan khatnak ah biachimnak (a khan-na) an tuah lai i chunhnu in Lai hla, ram hla, Lai laam hmuhsaknak le Lai thilthuam hmuhsaknak (Fashion show) zong tuah a si lai. Mah ni ah ngakchia in upa tiang nuamhnak a phunphun zong an tuah lai. Cu pin ah Lai paih zuamcawhnak zong a um chih lai tiah tuanvo ngeitu sin in kan theih.

Atu bantuk in TYA nih avoi khatnak Tho puai cu 29 October 2016 kum lio zongah sunglawi takin rak tuah a si i Laipaih tel in le nuamhnak a phunphun zong an rak tuah bal cang. 2016 Tho puai paih ah kum 15 a si mi Pa Khamh Bik Ceu nih bual a rak co tiah theih a si.

October thla chung thiam 15-20 tiang avoi 5nak TYA Cup zong tuah an timh chih i Thantlang khuachung biaknak lei sangthen 7 pin ah Sianginn sang cu phuhnih in an lut lai i pumpululh chuih phu 8 zuamnak an tuah lai tiah theih a si.

Na ruahning rak langhter ve.. (Leave a comment)

%d bloggers like this: