Thawhṭhan Ni: Sri Lanka Biakinn Puahnak Ah 100 Leng An Thi Cang
Salai Lian| 2019 April 21 – Sri Lanka bom puahnak ah a tlawm bik minung 100 leng an thi cang i a dang tampi hliamhma an tuar tiah BBC nih update a tial.
Atu tiang ah bom voi ruk a puak tiah theih a si. Church pathum ah an puak.
Biakinn an puahnak hmun hi Kochchikade, Negombo le Batticaloa ah a si. Bawipa Thawhṭhan caan hman lio hi an i timh, puah hnawh hrammi a si.
Cun, Sri Lanka khualipi Colombo ah ummi Shangri La, Cinnamon Grand le Kingsbury hotel hna zong an puahmi ah a tel.
Bom puah ding ah Biakinn le Hotel hi an hmai thlakmi a si. A tlawm bik voi ruk a puak. Biakinn pathum ah Thawhṭhan Ni sunglawi an hman lio cuahmah ah an puah hi a si. Biakinn lawng silo in a dang hotel zong an puah tiah CBC nih a tial.
Khrihfa hna nih sunhlawihmi lakah Thawhṭhan hi ni a sung khunmi ni a si. Cucu an i hmaithlak i puahmi a si tiah thawngzamh tampi nih an chim.
Sri Lanka thawngzamh nih an thanhnak ah a thimi chung hin ramdangmi zong an itel kho tiah an chim.
Sri Lanka palek nih AFP sin ah a tlawm bik ramdang miphun a tlawm bik 9 a thimi lak ah kan hmuh cang tiah a chim.
A cheu khat Media nih cun, 100 lawng an si lai lo. A thimi hi hinak in an tam deuh lai tiah an thanh.
Cinnamon Gran ah a puakmi bom nih cun minung pakhat lawng a nunak a hliam tiah BBC nih a thanh.
Sri Lanka ram ah remdaihnak min an thut hnu in, mi tam-u a simi Buddhisth Sinhala pawl nih Khrihfa biakinn le Muslim biakinn hi hmaithlak in an hrawhhral theo thawn. Kan hnu kum zong ah, hi bantuk ruang ah 2018 March ah humhimlonak (emergency) an rak thanh bal cang.
Cc: BBC/Guardian/Economictimes
About The Author
