Thawng bul-tan: Matupi kahdahnak ah CDF-Matupi in pathum an thi

TCP | 2022 January 28 — Chin ramkulh Matupi peng chung i Matupi-Paletwa lamcung i kahdohnak ah CDF-Matupi in miphun ralkap 3 nih January 28 ah an nunnak an pek.

CDF-Matupi in Salai Lian cu Bom puah sualnak ruang ah a thi tiah theih a si. Salai Tung Mang le Salai Lian Aung hi kahdohnak ah an thi ve tiah theih a si.

Kan hnu January 24-26 tiang zong Matupi peng chung ah CDF-Matupi le CNA bawm in, ralhrang Kawl ralkap he kahdohnak a chuak in a pehzulh tiah kan theih.

Tedim peng, Hiangzing khua pawng ni 10 chung kahdohnak 2022 January 12-22 tiang ah Kawl ralkap 80 tluk an thi tiah theih a si. Ni 10 chung, Hiangzing kahdohnak ah miphun hriamtlai in Ralkap 9 an i khawng.

Kahdohnak chungah Tg. Kap Sian Mung (PDF-Zoland), Sergeant Pum Tuan Thang @ Thang Pui (CNA), Bawino Salai Cung Lian Sang (CNA) hna nih ram le miphun caah an nunnak an pek.

 

Na ruahning rak langhter ve.. (Leave a comment)

%d bloggers like this: