Thawng Bultan: June 3-4 ah SAC Ralhrang 110 An Thi
Salai Mangpau | June 6, 2023 – Ram pumpi huap in June 3-4, nihnih chung ah ah SAC ralhrang 110 tluk an thi tiah thawngpang khomhsuat mi in theih a si.
An thih nak hmun cu a tanglei ah Thawng bultan khawmhsuat in kan vun langhter.
- Kyuakhtu peng Sanhlah khuapawng ah ralhrang a thi mi 2
Magwe ramthen, Kyukthut peng, Sanhlah khuapawng tlang lei ah ralhrang rual 180 an hun kai lio can June 3 zaanlei 5:00 hrawng ah YDF hruai mi Yawnahka Operation in Gangaw pengkulh Battalion 9 le Yaw Chaung phu le Kyaukhtu PDF hna nih an kah hna. Ralhrang lei mi 2 an ti. Ralhrang lei Meithal Kuan cheukhat kan lak khawh tiah YDF sin in thawng theih a si.
- Monywa, Mene khuapawng ah Ralhrang a thimi 2
Sagaing ramthen, Monywa peng, Mene khuapawng Monywa- Mandalay lam pi ah Sagaing in Monywa( North Western Coomand- န.မ. ခ) a ra mi Ralkap phur motor pahnih cu June 4 zanlei 4:40 ah Mipi ralkak lei nih bomb an puah hnawh hna. Ralhrang lei mi 2 an thi, mi 4 hliam an pu tiah MRDA nih a tarlangh.
- Chaungoo- Lahwahkah zungpawng ah ralhrang 4 an thi
Sagaing ramthen, Moneywar pengkulh, Chaungoo peng Lahwahkah zungpawng hmun a la mi ralhrang umnak ah june 4 zing lei ah Mipi ralkap nih an kah hna. Ralhrang lei mi 4 an thi i, Meithal zun 4 le Kuan kan lak khawh tiah Moneywar pengkulh Chaungoo hrambunh battation 8 sin in thawng theih a si.
- Pale peng, Ziphyukung khuapawng ah ralhrang 10 an thi
Sagaing ramthen, Pale peng, Ziphyukung khuapawng ah SAC jet fighter nih june 4 zing 6 ah Ziphyukung pawng mipi ralkap umnak ah bomb an thlak. Mah khua hi SAC le Pyusawthi umnak khua a si. Mipi ralkap nih Khua ah an vun lut hnawh I an khah hna. Mah kahdohnak ah ralhrang lei mi 10 leng an thi. Mah kahdohnak ah Tanrual Mipi ralkap le peng hrambunh battalion he konh in ralhrang kan kah hna tiah Takhin Daungnyo (သခင်ဒေါင်းညို)hruaitu sin in thawng theih a si.
- Minmu, Thisongkhuapawng ah kahnak ah ralhrang mi 5 an thi
Sagaing ramthen, Minmu peng, Thisong khuapawng um SAC umnak Sakhang cu Mipi ralkap nih June 4 zing 8:00 ah Drone Bomb 20 in an kah. Ralhrang lei a thi mi 5 an thi, Mi 10 hliamhma an pu tiah Mipi ralkap hruaitu Zero bu Ko TetKyi nih a chim. Mah kahdohnak mipi ralkap lei in Minchaing battalion 7, Zero phu, Kyaukze pengkulh battalion 1, Nagani, Shwebo pengkulh battalion 15, Moenyo LPDF, MRTF drone force hna an si.
- Paungbyin peng ni 3 kahdohnak ah ralhrang mi 15 an thi
Sagaing ramthen, Paungbyin peng, Settaw khuapawng um ralhrang mi 200 umnak ah mipi ralkap nih hmun 3 in an kulh hnu ah ni 3 chung an kah hna. Kaphnih kahdohnak June 2 in Ni 4 tiang kahdohnak ah ralhrang lei a tlawncem mi 15 an thi I, meithal le Kuan tampi kan lak tiah HPDF sin in thawng theih a si.
- Pyawbwe peng Archives Sakhang kahnak ah ralhrang mi 5 an thi
Mandalay ramthen, Pyawbwe peng um SAC Archives motor phur tu motor cu June 3 zanlei 4:00 ah Pyawbwe in Natmouk lei an ra lio ah Ywataw khuapawng ah mipi ralkap Bomb in ralhrang 5 an thi tiah Teikdaung mipi ralkap sin in thawng theih a si.
- Taze peng Kapepinyin khuapawng kahdohnak ah ralhrang 7 an thi
Sagaing ramthen, Taze peng, Kapepinyin khua a hnu lei ralhrang sakhang cu mipi ralkap nih june 4 zing lei ah an kah hna. Kah can hi minute 45 hrawng a rau. Ralhrang le Pyusawti lei mi 7 an thi tiah MDF-Taze Tiger nih a chim. Mah Sakhang ah ralhrang lei mi 40 leng an um.
- Phekhon khua ni 10 kahnak ah ralhrang 43 an thi
Shan-Kayah ramri um Phekhon peng ah SAC ralkap operation an rak kai lio ah Karenni ralkap (KRU) nih an kah hna. SAC ralkap Battalion 66 phu nih hmun 3 lamsiar in an rak kai lio ah Mipi ralkap nih an kah hi a si. Ni 10 chung kahdohnak ah ralhrang lei in a tlawn bik mi 43 an thi i, hriamhmapu mi an tam tiah KRU nih a tarlangh.
- Pauk peng Tayaphi khuapawng kahnak ah ralhrang 17 an thi
Magwe ramthen, Pauk peng, Lelankhua le Tayaphi khua karlak ah ralhrang motor cu mipi ralkap nih lam ah Bomb an phuah hnawh hna. Ralhrang lei mi 17 an thi tiah Myaing Pakahphah sin in thawng theih a si.
Theihternak: June 3-4 kahdohnak ah ramchung hmun dangdang cio ah kahnak a um ko lai. Media dang nih an tarlangh mi zong an um lai i, khawmhsuat khawh awk kan rak langhtermi cung ah careltu nih theihthiam piak ding. Atu kahnak tarlangh mi hi People Spring, Myanmar Now le Khit thit media nih a thlah mi chungin langhter mi a si.
Ref: People Spring, Myanmar Now Media, Yangon Khit thit Media, Khawmsua le thawngpang tial can June 5, 2023, zaan 10:00
About The Author
