Thawng Bultan: Sri Lanka a thimi 359 an phan, hmapumi 500 leng an si

0
Salai Lian| 2019 April 25 – Sri Lanka ramchung ral thawhnak (civil war) a dih hnu kum 10 chung ah a fak bik thihlonak a si. Thawhthan Ni bom puahnak in Minung 359 an thi i, 500 hliamhma an tuar.
Biakinn pathum le hotel pali an puah. A thimi hi Sri Lanka mi deuh an si i ramdangmi zong tam nawn an i tel.

Sri Lanka cozah nih cun, ramleng bomhnak in anmah ram ummi Muslim phu a hmete lawng a si rihmi an si lai tiah an puh. Nain, ISIS nih tutan bom puahtu kha kanmah minung an si tiah ISIS he pehtlaihnak ngeimi Amaq thawngzamhnak in thanhnak an tuah.
Hi thil a canning kong felfai tein hlathlainak tuah ding ah, Interpol nih bawmchantu ah a phu an thlah hna.
Sri Lanka palek nih bom a puak manh rihlomi lung 87 leng an hmuh. A bik in, bom an hmuhnak hi Bus dinh hmun ah 12 le hmunthur hlonhnak ah 75 an si. Tam deuh cu, puaklo ding in an tuah manh.
Sri Lanka mizapi nih cozah an mawhchiat. Zeiruang ah dah nan kan humhim khawh lo an ti. A bik in, hi kong hi a cang lai, thil pakhat khat a cang kho tiah April 4 ah cozah sin ah theihternak a rak um ko. Cun, Sri Lanka biaknak lei thiamsang cheukhat nih a luan ciami kum in cozah sin ah ralrinnak an rak pek lengmang cangmi a si tiah an chim.
A bik in India cozah nih Sri Lanka cozah sin ah Thawhthan Ni hlan ahhin ralrinnak a rak pek tiah CCN nih cun a tial.
Bom puahnak kong he pehtlai in Sri Lanka cozah nih cun nihnih chung ah tam ngai kan tlaih cang hna tiah an thanh. Bom puahtu a si lai tiah ruahmi pakhat cu CCTV video hmanthlak in an hmuh. Amah hi mino le cathiam ngai mi a si.
BBC ralhrang lei theihngaltu nih cun khuaruahhar ding a si lo. Hi bantuk hi, mifim le cathiam mino an si lengmang. A ruang tampi ruang ah cangmi a si. A bik in, hmunhma le an duhmi an tinco lo tik ah a cang theo. Tahchunnak ah, US Innpi pahnih a pahtu zong khan, Vanlawng chuttu kha Labon mi rumfa le thiamsang mi a si ko tiah a ti.
 
BBC/Aljaazera/CNN

About The Author

Na ruahning rak langhter ve.. (Leave a comment)

%d bloggers like this: