Thawng bultan: Thlanrawn pawngah kahdohnak a chuak
Chin ramkulh, Falam khuapi lonh deuh, Thlanrawn khua pawng ah February 28 zing sml 11:00am hrawng in Ralhrang le CDF karlak ah kahdohnak a chuak tiah thawng theih a si.
Chun tiang ahkhan, Kawl ralhrang ralkap lei in pathum tluk cu an thi cang lai tiah minlanghter awk tha lomi pakhat nih a chim.
Nizaan February 27 zinglei ah Falam in Hakha lei ah a rak kaimi ralhrang pawl cu Lungpi ah duhpoahin meithal an thlah hnu ah khua biakinn ah an riak beh tiah theih a si.
Khuami pakhat nih “Ralhrang pawl cu nizaan ah Lungrang biakinn ah an riak. Lamkam inn pawl vialte an bauh i thilrii pawl an fir. Fiang tein kan theihmi hi inn 10 hrawng bauh a si. Tuzing ah ralhrang pawl ke in Thlanrawn lei ah an kal. An mawtaw bal duhsah tein an kal” tiah a chim.
Ralhrang pawl cu Falam sakhaan ah Tank an i lak i nizaan zong ah Falam khua in bawmtu mawṭaw pakhat a kal tiah theih a si.
Ralhrang thazang 200 hrawng a si men lai tiah ruahdamh a si. Falam-Hakha lamcung i a um mi Lungpi, Thlanrawn, Ṭaal, Thlangzaar le Ramthlo khuami hna cu himnak ah an zaam tiah zalen nih a ṭial. Hi kong he pehtlai in The Chinland Post nih fianternak a tuah khawhmi zeihmanh a um rih lo.
Thawng tling kan hlat cuahmah lio a si.#
About The Author
