Thawngtha Chimtu Pawl Hi Ramkhel Thimnak Ah I Cuh Ve Hna Seh Ti Ka Duh; Col. Solomon Thang Ding

0

The Chinland Post| 2019 August 15| Aralaimi 2020 thimnak ahhin biaknak lei riantuantu pastor pawl hi ramkhel riantuannak ding thimnak ah i cuh ve hna seh ti a duhnak kong CNA/CNF in Defense Secretary Col. Solomon Thang Ding nih amah pumpak a hmuhning kong The Chinland Post he ton biaruahnak ah a chim.

“Kan Chinram ah biaknak lei riantuantu pastor pawl hi cawnnak lei fimnak in siseh, mizapi hruai ningcang tawlrelning (Management) kong ah bochan awk a tlakmi mino tete an tampi ko. Anmah pawl hi aralaimi 2020 thimnak ah i cuh ve hna seh law ti ka duh” tiah a chim.

“Cheukhat pastor pawl hi ram a hruai khotu ding mino an um ko ti ka ruah. Zeiruang ah dah anmah pawl i cuh ve hna seh ti ka duh ti ahcun kan Chinram hi ziknawh eihmuarnak in a khat cang. Cucaah, nifatin bible relnak in thazaang a lami le mi a hruaimi nih ram an uk le an hruai ahcun kan ram hi ziknawh eihmuarnak a zor deuhdeuh hrimhrim ko lai. Ralkap uknak  lio le harsatnak tampi kan ton lio ah biatak te in a kan tlangtla khotu cu biaknak upa- thawngtha chimtu pawl hi an si. Anmah pawl nihhin ram tampi an sersiam khawh lai ti ka zumh. Hitluk in kan ram a rawh tuk lio caan hi biaknak lei riantuantu pawl an cawlcanghnak le an i paih ve caan bak a si ti ka ruah ko” tiah a biapeh ah a chimchih.

About The Author

Na ruahning rak langhter ve.. (Leave a comment)

%d bloggers like this: