Theitlei: Kawlram Fimcawnnak, Sianginn Kaimi ‘Nuai 9’ An Phan
Salai Lian| 2019 April 18 – Ramkomh Kawlram ah thlennak a hun um hnu in, cozah nih a si khawh tawk in fimcawnnak (siangniamrun, sianglairun, siangsangrun tbk. le sianghleirun) hna thanchonak bia tak tein a tuahmi tete a len.
Nihin ah, siangngakchia ‘nuai 9’ leng nih fimnak an cawng cuahmah. An karh ngai!
Fimcawnnak tuanvo latu (Ministry of Education) nih biapi in hmaithlakmi hi phun 12 a um.
Cu chung ah ngakchia thanchoter le ram miphun a simi poahpoah nih a lak tein siangniamrun (tangcheu-tangli) tiang hi an kai khawhnak hnga hi a si. Cu nih cun, sianginn ah fimcawngmi an karh ngaingai nak a simi a langhter. Cun, hmun cheu khat ahcun, mah miphun holh tein siangniamrun ah ca an cawng cang tiah theih a si.
Ramkom Kawlram pumpi ah siangniamrun (primary) in siangsangrun (high school) tiang a kaimi hi; 2018-2019 cacawn kum ah an kar ngaingai i, siangngakchia 9,144,469 tiang an phan.
2016-2017 cacawn kum ah siangngakchia 8,907,817
2017-2018 cacawn kum ah siangngakchia 9,176,454
2018-2019 cacawn kum ah siangngakchia9,144,469
A cunglei hi kum 3 chung sianginn kaimi siangnakchia langhtermi a si. Cun, sianginn cachimtu hi 404,444 an tling. Kum 3 chung ah a tanglei bantuk in a si;
2016-2017 cacawn kum ah cachimtu 371,293
2017-2018 cacawn kum ah cachimtu 400,386
2018-2019 cacawn kum ah cachimtu 404,444
Cun, Kawlram ah sianginn 47,031 a um. A tanglei hi kum 3 chung ah a karh ning le umtuning a si;
2016-2017 cacawn kum ah sianginn 46,007
2017-2018 cacawn kum ah sianginn 46,494
2018-2019 cacawn kum ah sianginn 47,031
Cun, Sianghleirun ah anmah tein zalong ngai in cacawn ding an i ser khawhnak hnga le vawleipi he tlukruang in a kal khomi fimcawnnak a si khawhnak hnga College/University pawl zalonnak pek deuh hi a si tiah an MoE nih an langhter.
Cc: Ministry of Education, Myanmar
About The Author
