Thenchuahnak Nawlpek Ahcun Tlangcung Miphun 135 Hi Ramkulh 135 A Si Lai; U Hla Shwe

TCP-Hakha| 2019 April 24|Myanmar ramkomh in thenchuahnak nawl halmi an cohlan ahcun tlangcung miphun 135 hi ramkulh 135 ah kan i chuah lai tiah Gangaw Amyotha hluttaw palai hlun U Hla Shwe nih April 18, Akonthi media ah a chim.

“Wah” nih ramkulh a duh caah a halmi cu amah covo te a si ko. Hihi British ral lio hmanmi map ah “Wah State” ti aa tel caah hi zohchunh in an halmi zong a si kho. Asinain, hiti an hal ahcun Assam, Manipura zong tuandeuh ahcun kanmah vawlei a si. Cuti cun hal khawh a si lai maw? Cuti tlangcung miphun 135 zapi nih kan hal cio ahcun ramkulh 135 ah a hung i chuah lai” tiah U Hla Shwe nih a chim.

KNO Kachin zatlang mibu zong nih a luancia caan ah tuahmi an miphun conference ah a zalongmi Kachin ram dirh an duhnak cathanh an chuah. Cu pin ah Wah ramkulh remdaihnak kum 30 tlin ni ah ralbawizik nih “Wah ramkulh” pek ding in a hal tiah theih a si.

Myanmar ram cu 1947 kum ah nelrawn le tlangcung zalonnak kha hmunkhatte ah laktimi a si i ralkap zong nih atu lio remdaihnak biaruahnak ah tlangcung miphun hriamtlai phu hna cu ramkomh in thenchuah lo ding biakamnak an hal.

Ref: Akonthi

Leave a Commnet

%d bloggers like this: