Thet Mon Myint Nih Hringtu Nu Dirhmun Ka Phak Hnu In Ka Nu Ka Dawt I Ka Zawnruah Deuh A Ti
TCP-Thantlang| 2018 May 2| Fa pahnih a ngeih hnu in hringtu nu le hna dawtnak le zawnruahnak lungthin tam deuh in ka ngei i ka hngalh chinchin tiah Kawlram lemcang thiam Thet Mon Myint nih a chim.
“A hlan ah ka nu hi ka dawt i ka zawnruah tukmi a si. Atu ah cun nu can dirhmun ah ka dir ve caah nu le te dawtnak le zawnruahnak hi a hlannak in a tu ah a thar in a thawtnam ka hngalh chinchin cang” tiah Thet Mon Myint nih a chim.
Thet Mon Myint cu a fale pahnih le a innchung pa caah nu dir hmun puitling i a dir cang caah nu le hna dawtnak le zawnruahnak kong ah a tubantuk ruah sepmap tein a lungchung chuak a chim hi a si.
Nu can dir hnun a phak ve cang caah a rian a simi lemcang lei ah a caan a pek khawh lo caan zong a um len. A fa le zohkhenh pah in a rian lemcang zong a tuan pah chih kong cu a tubantuk in a chim.
“Hringtu nu dirhmun timi hi a rak fawi lo mi a si. Fa le an chuah hlan in zeitin dah kan um awk a si timi tampi kan ruah cia pin ah kan um ning le kan cawlcangh ning tiang in ralrin a si. An chuah hnu ah cawmken ning kong zong hmailei ca tiang khuaruah a si. Hi kongah ka rian lemcang zong hi ka kaltak caan a tampi. Caan pek zong a har ngai, kan tha zong a bat caan a tampi. Asinain ka riantuan thabat caan ah ka fale aw thawng ka theih cun ka thabatnak vialte a tlau dih” tiah a chim.
Thet Mon Myint cu 2014 kum February 14 ah a vapa Ko Shit Ngaing he a thiangthitumnak an rak tuah. Atu ah cun fapa Aa Chit le a fanu Lah Win May an ngeih hna. Amah cu 2012 kum le 2016 kum lio ah Academy laksawng voihnih a hmu cang tiah theih a si.
Ref: Duwun
About The Author
