Thiltha Tuah Mi Doh Lengmang Hi Thancho A Si Lo; MP Pu Bawi Khing

Salai Elvis| 2018 April 17| Thantlang Khuachungah Bogyoke Aung San milem sing 300 dih in tuah timh mi kongah thiltha an tuah mi hi tanpi in dirkamh a hau thiltha a simi doh lengmag zong hi thancho a si lo tiah MP Pu Bawi Khing nih a chim.

Thantlang khuachung Bogyake Aung San milem tuah timhmi kongah Online media cheukhat ah chimceih a tong ngai mi thawngpang pakhat a si.

Hi kong he pehtlai in MP Pu Bawi Khing nih ” Kawlram pumpuluk luatnak (independent) a kan petu mirang sal sinak in a kan luat tertu kan pa bik a si caah Bogyake Aung San milem cu tuah hrimhrim a hau. Laitlang chungah Hakha le Mindat zongah an tuah ko Kawlram chung huap in a dang ramthen le pengkomh zongah tampi an tuah ko. Cu lawng hlah America ram zongah President Lincon milem zong an tuah cio ko. Mah caah cun tuah a phu ko. Kan ram techin fapar tiang hna nih aw! mah hi maw kan ram luatnak a kan pe tu cu a si timi lungthin zong an ngei lai.” tiah MP Pu Bawi Khing nih TCP ah a chim.

Hi milem tuahnak kongah tuah ah a tha lai maw tiah an chim tikah kei mah MP sinak zongin tuah ding a si ti zong ka lungtlin pi ko hna. Hi tuahnak caah mizapi leiin tangka kolh zong a si lo cozah nih budget a dangtein a pek mi hna a si ko. Pu Lalluai milem zong tuah a hau lo a mah minin pumpuluh chuihnak Pu Lalluai certual tiah a min a um cang ko a mah min in pahnih tuah a hau lo.” tiah MP Pu Bawi Khing a chim.

Hi tuahnak hmun cu Thantlang khuachung lam tonak zawn a thatnak hmun pakhat khat ah tuah a si lai i penguk zung khuanu/pa le sipin hna nih an zoh felthan lai tiah theih a si.+++

Na ruahning rak langhter ve.. (Leave a comment)

%d bloggers like this: