Thimfung Thlaknak Me Kuang Hngak Tu Saya/Mah 50 Hlei Covid Zawtnak An Ngei Minung 2 An Thi Cang

Salai Bawi Lian Sang| TCP-Kalay| November 30, 2020| Myanmar ram, November 8, 2020 thimfung thlak lio Me kuang ngaktu saya/mah (50) hlei covid-19 zawtnak an ngei. Minung (2) an thi cang tiah Myanamr ram saya/mah bu in theih a si.

Kan hnu Thimfung thlak lio ah saya/mah minung ting (2) hlei Me kuang hngak rian ah Me zung hmu, Me zung hngak bawn tu ah rianpek a si. Mah hna chung in saya/mah 50 hlei cu covid-19 pulrai nih a tlak hna i saya/mah 2 an thi cang. Mah pulrai nih a thlak mi hna lak ah a tam bik minung (30) cu yangon ramthen deuh a si hnga. A thimi sayamah hna zong siizung nih an thlop bute in an nunnak a liam.

Adang saya/mah zawtnak nih a tlak hna hlei in an innchungkhar cio ah zawtnak rai a ton mi hna caah Myanmar ram saya/mah bu lei nih saya/mah pakhat ah kyat (50,000) cio an bawmh hna.

“Avoikhatnak covid-19 pulrai nih mi nunnak ah thinphang nak an ngai mi le a zualhma deuh mi saya/mah hna sin ah thinlung thawngnak thazang pek in kan leng hna. Avoihnihnak ah tangka kan pek hna. November 27 ni tiang saya/mah (11) sin ah bawmhnak kan pek kho hna. Adang bawmhnak pek kho ding in nu le pa lei zong in bawmhnak kan herh ko” tiah Myanmar ram saya/mah bu chungtuan Saya Dr. Zaw Myo Hliang nih a chim. Crd: 7 Day News