Thin Zar Wint Kyaw Nih A Chimmi Nunnak Hmuitinh

TCP-Hakha| 2019 January 18| Myanmar ram lemcang thiam Thin Zar Wint Kyaw nih kumkhat chung ah si ka duhmi hmuitinh phan kho tiang a tha bik in kaa zuam kho. Hi ruang ah upat awk atlakmi ka upat hna i zohchunh awk tlakmi zong an um. Cun, keimah nih ka zohsang mi hna an um bantuk in ka zohchukmi hna zong an um fawn tiah a chim.

“Minung cu kan nunnak cio ah hmuitinh kan ngei cio. Thin Zar zong nunnak hmuitinh ka ngei ve. Fakpi hauhkauh tuk lo hmanh ah hi kumkhat chung ah si ka duhmi dirhmun phan kho tiang in kaa zuam. Rian a tuan khomi, riantuan a duhmi, rian aa zuammi paoh ka uar hna, ka upat hna” tiah January 17 zanlei suimilam 3:30 ah a facebook ah a tial.

Thin Zar Wint Kyaw hi zungmawi (art) rian a tuannak a sau ngai cang. Thapetu cohlanmi zungmawi thiam pakhat si khawhnak caah harnak tampi lakah aa zuammi a si. Hi ruang ah amah pumpak nih hmuitinh a  ngei lomi pawl zohsannak a ngeih khawh lo hna nak kong fianghlangte in a chim.

“Hmuitinh ngei lo, zuamnak ngei lo, nuamh a duh tuk i a vakvaimi hna cu Thin Zar caah sorry bak an si. A lenglei thil hmete kong hmanh a fianh/ a tawlrel kho lo i lungrawh in a phunzai ahcun rian ah buainak a um tikah a fianh in a tawlrel kho lai ka zum lo. Hihi nihin ka ruahmi ka lungchuak a si. Mi zeihmanh hmuitinh in ka tialmi asi lo tiah a tialchih.

Thin Zar Wint Kyaw hi 2018 kum chung ah a sexy fashion pawl kaa hruk tluk in 2019 zong ah fashion dang pawl in nan ka hmuh rih lai tiah December 27 ah Realme C1 Smart Phone zapi sin hmuhsak theihternak i media sin ah a chim.

“Anmah le hmunhma hoih cio in a si lai. A hot tuk lai lo. 2018 kum ka hot bantuk in hot tuk ding kaa tim ti lo. Chim ko ahcun 2018 kum hi Thin Zar caah ka vanthat kum a si ti khawh a si. Rian zong tampi ka tuan. Thapetu thar zong tampi ka ngei fawn. A ka uar lomi thapetu hna zong nih an ka dawt than caah a tha tukmi kum a si ti kaa ruah”.

Thin Zar Wint Kyaw hi a facebook ah hmanthlak amak ngaimi pawl taar a hmang ngeimi a si. Atu hrawng cu amah takpum aa dawhnak le a thatnak he pehtlai in thapetu mizapi nih an zoh duh ngaimi le an ceih duh ngaimi pakhat a hung si.

Ref: Duwun

Na ruahning rak langhter ve.. (Leave a comment)

%d bloggers like this: