Thla 1 chungah SAC ralkap 35 sniper in thah an si

0

The Chinland Post | 2022 June 16 – Shan le Karenni aa pehnak Pekon peng le Karenni peng, Pharuso hmunhma chungah May 20 in June 15 tiah thla 1 deng kahdohnak chungah SAC ralkap 35 sniper in thah khawh an si tiah Myanmar ram a lai lei Special Operation phu nih an thanh.

May 20 ah Pekon khua, Moebyeinn hmailei, Lwaipaw pura tlang cungah hmunhma a khuarmi SAC sakhaan cu sniper in an kah i 6 an thi, Semeelay khua ah hmunhma a khuarmi SAC sakhaan cu sniper in kah ṭhan a si i SAC ralkap 3 an thi, May 21 ah Semeelay ah a ummi SAC sakhaan cu sniper in an kah hna i SAC ralkap 4 an thi, May 22 ah Lwaipaw khua ah a ummi SAC sakhaan cu kah a si ṭhan i SAC ralkap 1 a thi tiang Myanmar ram a lai lei Special Operation phu nih an chim.

June 7 ah Semeelay ah a ummi SAC sakhaan cu an kah ṭhan i SAC ralkap 6 an thi, June 10 ah Halay khua le Lwaimaku tlang ah hmunhma a khuarmi SAC sakhaan cu an kah i SAC ralkap 8 an thi tiah theih a si.

June 11 le 12 ah Pharuso peng, Dawngekhu khua ah a cangmi kahdohnak chungah SAC ralkap 7 thah khawh an si tiah a thanh.

A cunglei langhtermi kahdohnak pawl ah Myanmar ram a lai lei Special Operation phu le PDF pawl, Karenni phu pawl fonh in kahdohnak tuah a si tiah theih a si.

About The Author

Na ruahning rak langhter ve.. (Leave a comment)

%d bloggers like this: