Thla 9 chung ah phunglut lo Myanmar rammi 2,000 leng Myanmar ah an rak kuat ṭhan hna

0

The Chinland Post | 2022 December 13 – 2022 March in November thla dongh tiang thla 9 chung ah Thai ram ah phunglut lo in rian a ṭuan mi Myanmar miphun 2120 cu Kawthong lei ah an kuat ṭhan hna tiah rianṭuantu pawl a bawmtu nih RFA ah an chim.

Phunglut lo Myanmar rianṭuantu pawl cu Thai cozah nih sakhaan ah an hren hna i thla 1 ah voi 2 an kuat ṭhan hna tiah Kawthong hrambunh rianṭuantu pawl bawmhnak a pe mi nih RFA ah an chim.

“Covid virus an ngeih le ngeih lo an check hna. Cun umnak kuat ṭhan ding in an tuahpiak hna. Thai in Kawthong ah thla 1 voihnih an kuat hna. Thla 1 ah rianṭuantu 200 hrawng an kuat ṭhan hna” tiah a chim.

Thai cozah nih atu bantuk in a kuat ṭhan ko hna nain cheukhat cu phunglut lo in puaisa pawl he Thai lei ah an kir ṭhan tiah a chim chap.

Myanmar lei rak kuat ṭhan mi rianṭuantu chung ah Yangon ramṭhen, Bago, Irrawaddy le Mon ram hna in a tam bik an si tiah a chim.

About The Author

Na ruahning rak langhter ve.. (Leave a comment)

%d bloggers like this: