Thlakhat chungah SAC ralkap 2,000 an thi: NUG

0

The Chinland Post | 2022 June 8 – Myanmar ram pumpi in kahdohnak a fak chin thluahmah i 2022 May 7 in June 6 tiang thlakhat chungah SAC ralkap 2,000 leng an thi tiah NUG nih a thanh.

Atu thanhmi cazin nak in a taktak ah a tam deuh khomi a si i hliamhma a tuarmi hi 539 an si tiah a thanh.

Hramhram in uknak a latu phu nih mipi cungah hramhram in hremnak, kahdohnak le thahnak hna a tuah caah mipi zapi nih mah le nunnak kham khawhnak nawl bantuk in kahdohnak tuah ve a si.

Ram pumpi in hramhram uknak a dih dongh tiang hrawh khawhnak le Federal Democracy ram dirh khawhnak caah dai tein duhlo-langhternak hna peng le ramṭhen cheukhat ah a tutiang hmuh khawh a si.

NUG cozah dirh hnu kum 1 leng caan chungah mipi hriamtlai phu battalions 257 dirh khawh a si i mipi uknak phu zong peng 250 ah dirh khawh a si.

Cun mah le hmunhma hriamtlai phu pawl, khuachung kahdohnak a tuahtu phu 400 leng he zong lungrual tein kahdokahdohnak tuahding in pehtlaih khawh a si cang tiah NUG nih a thanh.

About The Author

Na ruahning rak langhter ve.. (Leave a comment)

%d bloggers like this: