Thlanglei Kalay ah SAC ralkap kah an tong, 10 an thi

The Chinland Post | 2022 August 3 – Sagaing ramṭhen, Kalaymyo, Technology University in thlanglei ah a kalmi SAC ralkap pawl kan kah hna i 10 leng an thi tiah PDF-Kalay nih a thanh.

Thazang 200 hrawng a simi SAC ralkap cu thlanglei Kalay, Tayakone khua pawngah August 2 zinglei sml 6:30am in zaanlei sml 3:00pm tiang mipi hriamtlai phu 4 fonh nih an kah hna hi a si.

Kahdohnak chungah SAC ralkap 10 leng an thi i tampi an i hliam tiah theih a si. Kah an ton caah SAC ralkap pawl nih Technology University chung in Tayakone lei ah hriamngan pehzulh in an kah.

SAC ralkap a thimi ruak pawl cu Technology University lei ah an dawh ṭhan hna i Kalay khuachung lei ah mizaw phor mawṭaw in an kapi hna tiah a langhter.

SAC ralkap pawl cu PDF-Kalay battalion 1,2,5,6, RKDF, CDF-KKG, CNDF le CNA phufonh nih an kah hna hi a si.

SAC ralkap pawl nih chun sml 2:00pm hrawngah Tawakone khuami 10 an tlaih hna i pakhat cu an thah tiah PDF-Kalay nih a thanh.

Kahdohnak a fah caah mipi hna nih Kalay-Gangaw lam ah mawṭaw kalter rih lo ding in PDF-Kalay nih ralrinnak a thanh.

Na ruahning rak langhter ve.. (Leave a comment)

%d bloggers like this: