Thlanglei Ukraine ah mipi a thimi an tam
The Chinland Post | 2022 March 10 – Russia nih bom in a kah lengmang ruangah Mariupol hmunhma ah mipi 1,200 leng an thi tiah Ukraine rian ngeitu pakhat nih a chim.
Mariupol khua ah mipi 47 cu ti luannak ah an phummi hna zong kan hmuh tiah deputy mayor Serhiy Orlov nih a chim.
Russia nih khua cu a kulh dih caah khua chungah eidin tirawl an dih dih tiah a chim fawn.
Mariupol khua cu Russia nih vanlawng in bom a thlak, hriamngan in a kah lengmang tiah BBC ah a chim.
Russia nih Ukraine tuk hram a thok bak in, Mariupol khua cu faak ngai in kahdoh a tong nain a tutiang Ukraine kuttang ah a um rih ko tiah BBC Burmese thawngzamh nih a langhter.
About The Author
