Thlapa Cung Ah 4G Network In Phone I Chawnbiak Khawh A Si Cang Lai
City Hunter| 2018 February 28| Thlapa cung ah minung pawl khua an saknak kum 50 a rauh hnu ah 4G network in a hmasa bik mobile phone i chawnhbiak khawh a si cang lai.
Vawleicung IT kuatnak le phorhnak lei company pathum a simi Vodafone Germany, Network thilri lei a chuahtu Nokia le motor company Audi i bawm in thlapa cung ah 4G network ngah khawhnak ding kan tawlrel tiah an thanh. Vodafone nih thlapa cung ah thanthling aih pakhat tluk hmanh in a rit lomi network hardware thilri chuahding in Nokia cu IT lei thiamnak hmuhsaktu ah a thim.
Hi company pathum cu Berlin hrambunh PTScientists timi company ah atu hi project caah i bawmh in rian an tuanchuah liopi a si. Thlapa cung ah phone network tuahnak ding program cu SpaceX Falcon 9 rocket an hman i Cape Canveral in a ralaimi 2019 kum ah thlah ding in timhtuahnak an ngei.
Hi project ah aa telmi Director pakhat nih thlap cung ah thlah dingmi Mobile network hi 4G a si i 5G network cu hnu deuh ah hman ding in kan tuaktaan.
A luancia kum ahkhan Amzon mirum (billionaire) pakhat nih aralaimi 2020 ah amah pumpak vanlawng zuannak Blue Origin hmang in thlapa vawlei ah thilri kuatnak rian ka tuan lai tiah a chim. American mirum pakhat zong nih SpaceX vanlawng in tukum chung ah khualtlawng pahnih ka thlah hna lai tiah a thanh.
Ref: Duwun
About The Author
