Thlichia Ruangah India Mi 86 An Thi, 136 Hliam An Tong

Salai Aung Aung| 2018 May 16| India ram ah thlichia hrang in ruahpi a sur i teek zong a tlak caah a tlawmbik minung 87 an thi i 136 tluk hliam an tong tiah tuanvo ngeitu nih May 14 ah an chim.

Thlichia hi Uttar Pradesh ramkulh ah a cei bik i minung 52 an thi.

“Uttra Pradesh ramkulh ah 52, Chaklei Bengal ah 12, Cun a dang ramkulh ah tiin an dih lak minung 87 an thi cang” tiah India cozah ngeihmi All India timi Radio in an thanh.

Thlichia hi May 13 zanlei in a hrang i suimilam pakhat ah 109 Km tluk cak in a hran caah thingkung, meitung le mei ti bantuk tampi a hrawh tiah theih a si.

Kan hnu zarh ah khan Uttra Pradesh ramkullh ahhin ruah fak piin a sur i teek tam tuk a tlak ruangah minung 18 an rak thi cang.

Tu thla chung lawng ahhin India ram chung hmun cheukhat ah thetse thlicia le teek tlak ruangah a tlawmbik minung 124 an thi i 300 tluk hliam an tong tiah theih a si.
Ref: Xinhua