Tial Cung Thang Cu One Championship He Biahrennak Min An Thu Cang

Tawk Tling Thang| 2019 January 14| American ram ah MMA- thonghnak ah aa zuammi Chinpa Tial Cung Thang cu MMA zuamnak a tuahtu Singapore hrambunh One Championship he nizan ahkhan biahrennak (sachoh) min an thu cang.

One Championship phu nih tukum chung tuahdingmi zuamnak ah i tel kho ding in biahrennak min an thutpinak a ruang bik cu a si.

“Keimah leikap in atu bantuk biahrennak min kan thut  khawh caah kaa lawm. Keimah leikap in Myanmar ram i thapetu hna he i tonding ka hngak kho ti lo, kaa ngaih tuk cang” tiah Tial Cung Thang nih a chim.

Chinpa Tial Cung Thang cu One Championship vawleicung taisawm cotu Aung La Nsang nih thuat a cawnpimi a si i atu zong ah Aung La Nsang sin ah va kal in a cawng.

Tial Cung Thang

Atu bantuk biahrennak min an thutmi ruang ah kum 25 a simi Tial Cung Thang cu a ralaimi March thla zuamnak ah a hmasa bik aa thua kho lai tiah theih a si.

Tial Cung Thang hi Bantamweight ah aa thua lai i caan khatkhat cun World Champion laksawng a co khotu a si  te lai ti a zumhnak kong Aung La Nsang nih a chim.

Tial Cung Thang cu tuang ah tlaih bu thuat a thiam ngai. A mi thong le chuih zong a tha ngaimi a si. 2018, kumdongh lai ah miphun dang pa he an i thua i Tial Cung Thang nih a tei.

Tial Cung Thang cu March 8, 2019 ah Yangon um Thuwunna Innchung Buan ah “Reign of Valor” timi tlangtar in aa phomh cang lai.

Ref: The Voice

Na ruahning rak langhter ve.. (Leave a comment)

%d bloggers like this: