Tial Cung Thang Nih Teinak A Hmuhmi Caah Aung La Nsang Nih A Conglawmh

0

The Chinland Post| 2019 July 18| July 13, Indiana ah World Paih Championship nih a tuahmi Middleweight World Champion paih zuamnak ah Tial Cung Thang nih champion a co caah Aung La Nsang nih a conglawmhnak kong social media ah a langhter.

“Middleweight Wrestling Champion zuamnak ah teinak a hmumi Tial Thang ‘The Dragon Leg’ kaan lawmhpi. Chin Miphun hna nih anmah le pahrang thiamnak an ngeih ciomi hna hi khuaruahhar taktak an si ti ka ruah. Myanmar ram ah miphun tengnge pawl aa khat lomi pum cawlcanghnak lei thiamnak an ngeih ciomi hi zeitluk in dah a that” tiah July 17 zingka ah a langhter.

Middleweight World Champion aa cuhmi cu Salai Tial Cung Thang le Tial Uk an si. Salai Tial Cung Thang nih minute 2 chung ah khelhnih thlak in a tei caah champion laksawng $7000 a co. Tial Cung Thang nih Tial Uk nih voi hnih a rak tei bal cang i tutan he hin avoi 3nak a tei a si.

Tial Cung Thang cu Aung La Nsang pumpak nih MMA thuat a cawnpiak i One Championship ah lut in zuamnak ah aa tel. ONE: Reign of Valor zuamnak ah Tial Cung Thang cu Cambodia Rin Saroth he Myanmar ram ah a voikhatnak bik aa thua. Tial Cung Thang nih Cambodia pa cu judge biakhiahnak a tei.

Tial Cung Thang cu MMA ah i thua lengmang ding in One Championship he biahrannak cahren a tuahmi a si caah MMA ah pehzulh in aa thua rih lai. Zeitik ah dah aa thuat than te lai timi cu a fiang rih lo.

Aung La Nsang nih nikhat khat ahcun Tial Cung Thang hi middleweight ah champion a co te lai ti a zumhnak kong zong a rak chim bal cang.

About The Author

Na ruahning rak langhter ve.. (Leave a comment)

%d bloggers like this: