Tih A Nungmi Zawtnak Rungrul Thar Myanmar Ram Ah An Hmuh

0

Salai Aung Aung| 2018 July 12| Myanmar ram chungah hmuh bal lomi zawtnak rungrul thar palak (bat) sinah an hmuh than i cu zawtnak rungrul cu SARS le MARS timi thawchuahnak hrom lei dam lonak a chuahtertu rungrul phun ah aa tel tiah American thiamsang hna nih an chim.

PREDICT timi vawlei cung hmunkip ah zawtnak rungrul kawltu phu nih an hmuhmi cu July 10 ah Magazine pakhat ah an chuah. Myanmar ram chung ummi palak, zawng le zu i an thi, cil, zunte le zunpi kha kum thum chung an khon hnu ah tu bantuk in zawtnak rungrul an hmuh chuah hi a si. Myanmar ram pumpi chung in atu bantuk an khon mi cu 1500 fai a tang rih i cu vialte cu chekhlatnak tuah rih ding in timhtuah a si.

Myanmar cu Nichuah Asia ram a laifang ah a ummi a si caah hi zawtnak rungrul hi hmunkip ah a karh lai. Cucaah hi kan hmuhchuah mi hi a biapi tak tak mi a si tiah PREDICT phu nih an chim.

Ref: RFA Burmese

About The Author

Na ruahning rak langhter ve.. (Leave a comment)

%d bloggers like this: