Tihnungmi H1N1 Zawtnak Hrik Ngeimi 99 An Si I 21 An Thi Cang

0

The Chinland Post| 2019 July 3| Myanmar ram pumpi ah ah H1N1 zawtnak hrik ngei an hmuhmi 99 chung ah 21 an thi cang tiah kan theih.

July 2 tiang ahkhan Myanmar ram pumpi ah H1N1 zawtnak hrik a ngeimi 99 an hmuh cang hna i cu chung in minung 21 an thi cang. Yangon ramthen in 18, Sagaing ramthen in 2 le Ayeyarwaddy ramthen in pakhat a thi tiah zawtnak lei thlopbultu lutlai Dr. Daw Khin Khin Kyi nih a chim.

Nikhat hnu nikhat in zawtnak a ngeimi le a thimi an karh chin lengmang caah tih a nung ngaingai. June 30 zinglei suimilam 10 tiang Yangon ramthen chung ah H1N1 zawtnak a ngei tiah lunghrinhmi 183 checkhlatnak an tuahmi chung ah 67 an ngei i 17 an thi cang. A thimi hi kum 70 renglo hrawng le kumkhat le thlathum hrawng ngakchia pin ah lung zawtnak, tangfah zawtnak, kal zawtnak, zunthlum zawtnak a ngei chihmi zong an i tel.

Hi H1N1 zawtnak hrik an ngeih thawk bak in nikhat in nili chung ah zawtnak hrik a lang. A linh 38 degree centegrate cung taklinh, cumpit, tangfah, kutke- takpum fah le lufah tibantuk in an um.

Yangon ramthen lawng in 2017 kum  ah H1N1 zawtnak a ngeimi 92 an si i 12 an rak thi. 2017 kum Myanmar ram pumpi ah H1N1 zawtnak a ngeimi 406 an si i minung 38 an thi. 2018 kum ah  zawtnak n giemi 13 an si i a thimi an um lo tiah Ngandamnak ministry zung nih an thanh.

Hi bantuk zawtnak sivai (Virus) cu a luancia 2017 kum in Kawlram chungah hmuhchuah a si i 2019 kum ruahlo piin an hmuhchuah than mi cu vawleicung ngandamnak lei tawlreltu phu (WHO) in tuanvo ngeitu a si mi Indiaram New Delhi um Kawlram siibawi nih a mah hmuhning a tubantuk in a chim.

“Ngandamnak zung lei nih thil a can, a caan chung teah kham dingin an i zuam lio a si. Cubantuk in Kawlram chungah tawlrel lio pi a si. 2017 kum voikhat le a tu 2019 kum ah a hungchuak than. Cucaah ralrinnak thawngthanh mi zong mizapi lei nih an zulh herh ve. A biapi bikmi cu mah zawtnak i khamnak ding caah pumpak i thianhhlimh a herh i hmurhuh (mask) zong i tuam ding, mi bu sin ah chuah luh tuk lo ding,  a tu le tu kut i tawl ding, pakhat khat tlagrai nih an phak i nihnih chungah na dam khawh lo ah cun neihniam a si mi sii-inn, sii-khan ah i hmuhsak ding a si” tiah a chim.

A-H1N1 zawtnak hrik cu hnap tibantuk chungah a um deuh caah mi pakhat a ha-thio tikah pe 6 chung ah minung hawidang nih an i chawnh khawh mi a si. Cu bantuk zawtnak cu a thitha der mi, tar, ngakchia le cuap tha lo mi tibantuk hna sin ah a tlung duh deuh mi a si. Cubantuk hna nih cun a hlankan in an i runven a herh. Cucaah mah hna pawl cu mi tampi an umnak hmun, hmur huh ding le kuttawl an felfai a herh” tiah Delhi um Kawlram siibawi nih a chim.

Ref: 7Day News, VOA, Myanmar Now

About The Author

Na ruahning rak langhter ve.. (Leave a comment)

%d bloggers like this: