Timit pawngkam kahdohnak ah SAC ralkap sin in hriam cheukhat an lak khawh

The Chinland Post | 2022 November 22 – Chin ramkulh, Hakha le Thantlang karlak, Timit pawngkam ah SAC ralkap le Chin hriamtlai phufonh hna karlak ah kahdohnak a chuak i SAC ralkap sin in hriam cheukhat an lak khawh tiah thawng theih a si.

SAC ralkap sin in an lak khawh mi hriam hna cu MA1 zuun 1, MA2 zuun 2, MA3 zuun 1, Machine Gun zuun 1 le kuan 1,000 leng an lak khawh tiah theih a si.

Kahdohnak hi November 21 zinglei ah in zaanlei tiang a chuak i CNA, CDF lei an him tiah thawng kan theih.

Kahdohnak chung ah SAC nih Helicopter in vanlei kahdoh a bawmh leng ah Hakha khua ah hram a bunh mi SAC ralkap nih hriamngan in kah an bawmh lengmang hna.

November 22 chun zong ah SAC Helicopter Hakha khua a phan i timit pawngkam hrawng ah bom a thlak ṭhan.

Na ruahning rak langhter ve.. (Leave a comment)

%d bloggers like this: