Tlangcung Party (5) Nih Union Election Commission sin ah Nawl Halnak An Tuah

 Salai Bawi Lian Sang| TCP-Kalay| October 20, 2020| Myanmar rampi Union Election commission nih (UEC) nih a ra lai mi November 8, 2020 thimnak a tuah kho lo dingmi peng le khua vialte zohfelthan ding in tlangcung party (5) nih thawngthanhnak an tuah.

Mah tlangcungparty(5) hna cu; Kachin State People’s Party( KSPP), Chin National League for Democracy (CNLD), Karen National Democratic Party(KNDP), Kayah State Democratic party( KYSDP) le Mon Unity Party( MUP) hna nih UEC thawngthanh mi zohfel than ding in ca an chuah.

UEC nih October 16, 2020 ni thawngthanhnak ah hin Rakhine ramkulh, Shan ramkulh, Kachin ramkulh, Karen ramkulh, Mon ramkulh le Pagu ramthen chungtel peng le khua ah thimnak tuah kho lo ding tiah thawngthanhnak a tuahmi khua  le peng hna hi tlangcungmi party thazang tamnak khua an si hna. Raldohnak le buainak zong aum lo mi khua hna an si tiah party neihniam sin in theih a si.

UEC nih cun, Rakhine ramkulh peng (9) le a dang peng(4) chungtel khuapi chungum sang(15), le Khuate(137), Shan ramkulh peng (7) le a dang peng(16) chungtel khuapi chungum sang(8) le khuate (133), Kachin ramkulh peng (11) chungum khuate (192), Karen ramkulh peng(6) le khuate (53), Bagu ramthen peng(2)chungum khuate(42), Mon ramkulh Bilin peng in khuate (1) cu 2020 thimnak ah an I tel kho lai lo tiah (UEC) nih thawngthanhnak a tuah.

Ref: Irrawaddy

 

Na ruahning rak langhter ve.. (Leave a comment)

%d bloggers like this: