Tlangcungmi Miphun Aiawh Tu Minister (29) Hmun Caah MP Candidate (212) An I Zuam Lai

0

Salai Bawi Lian Sang| TCP-Kalay| October 9, 2020| Tlangcungmi miphun aiawhtu minister (29) hmun caah ramkhel Party (32) chung in MP candidate hna (181) le Independent in MP (31) an pi (212)an i zuam lai tiah Ministry of Ethnic Affairs Myanmar zung nih  October 7, 2020 thawngthanhnak in kan theih.

Tlangcungmi aiawhtu Minister vial te lak ah Sagaing ramthen le Magwe ramthen chung aa zuam ding  Minung(11) hi a tam cem an si. Shanram kulh Akha miphun chung in minung (4) lawng aa cuh ding an si caah a tlawm cem aa cuh mi an si.

Sagaing ramthen chung ah Chinmiphun milu tam bik um nak Kalaymyo peng  ah milu 379,132 le innchungkhar dihlak ah 76,773 ah methla kho mi 23,5231 an rak si. 2020 kum in thimfung (mee) a thla khomi dihlak 276, 882 an si lai. Mah chung in Chin miphun chungin me a thla kho dingmi 130,000hlei asi lai.

Tamu pengkulh ah Sang (12) Ohsuh(22 ) le Khuate(60) an um. Thim fung (Me) a thla kho dingmi (79258) aum mi I, Chin Affairs Minister ah me a thla kho dingmi Chin miphun (35793) an si.

Magweram chung peng 25 ah milu dihlak 3,878,390 ah Kawl miphun milu 3,822,384, Chin miphun milu 139583, an um.

Magwe ramthen, Gangaw peng chung in 2020 kum thimnak ah Chin mi MP Candidate (13) an i cuh lai. Magwe ramthen Chin Affairs Minister in Chin mi (11) an i cuh lai.

Rakhine ram ah, Chin Affairs Minister mee hmun ah Chin mi mee a pe kho mi minung 70,607 an um. Rakhine ram, Pengkip ah mee a pe kho mi hna hi Ann Peng ah minung 21,503, Minbia Peng ah 17,755, Mepung ah 10,850,  Taungkuk Peng ah 7971, Thantuai Peng ah 4184, Sittwe Peng ah 2220, Myouh Oo Peng ah 2539, Guah Peng ah 2196, Rambe Peng ah 1169, Manaung Peng ah 892, Kyouhdaw Peng ah 111, Kyouhphyo Peng ah 714, Rathehtaung Peng ah 353, Buthidawng ah 144, Maungdaw Peng ah 82, Pungnagyoun ah 14 an si.

2015 kum thimnak lio i Rakhine ram chung Chinmi mee a pe kho mi cazin hi an dihlak ah minung 62,343 an si tiah kan theih.

Tlangcungmi aiawhtu winci(minister) hi an mah umnak  khua le ram he aa pehtlaimi ramthen le ramkulh chung in tlangcung  mipi aiawh tu mipi nih  thimmi hluttaw an si hlei ah an umnak ramthen le ramkulh ah cozah minister zong an si cih tiah theih a si.

Ref: The MIMU. Info: Ministry of Ethnic Affairs Myanmar

 

About The Author

Na ruahning rak langhter ve.. (Leave a comment)

%d bloggers like this: