TNLA le SAC Ralkap Karlak, Peng 6 Chung Ah Kahdohnak Voi 70 Hrawng A Cang
The Chinland Post | 2023 October 11 — Ta’ang National Liberation Army (TNLA) le SAC ralkap pawl karlak ah July 23 thawk in kahdohnak pehzulh in a chuak i atutiang ah kahdohnak voi 70 hrawng a chuak tiah TNLA nih thawng an thanh.
July thla in September thla tiang Muse, Mogok, Kutkai le Lasho peng hna ah kahdohnak a fak, October thla chung ahcun Naungcho lawng ah kahdohnak a chuak tiah theihternak an tuah.
Kahdohnak pawl hi July thla ah voi 8, August ah voi 16, September ah voi 43 le October ni 9 ah voikhat tiah a zapi voi 68 a chuak tiah an thanh.
Kahdohnak pawl chung ah SAC ralkap nih vanlei kahdohnak voi tam khun te an hman. TNLA hmunhma an khuarnak Muse ah voi 16, Kutkai ah voi 6, Lashio ah voi 16 le Mogok lei ah voi 15 nak tlawm lo kahdohnak a um tiah an thanh.
Cubantuk kahdohnak chung ah 500LB a rit mi Cluster Bomh voi 5 a hman leng ah Drone in voi 2 an doh hna tiah a langhter.
About The Author
