TNLA le SAC Ralkap Karlak Thlakhat Leng Ah Kahdohnak Voi 31 An Chuak
The Chinland Post | 2023 September 4 — Ta’ang National Liberation Army (TNLA) le SAC ralkap karlak, July 23 in August 2 tiang ah kahdohnak voi 31 a chuak i pehzulh in kahdohnak a fak rih tiah TNLA nih thawng an thanh.
SAC nih Shan ram chaklei Kutkai le Muse peng chung TNLA hmunhma pawl ah a rak lut i kahdohnak a chuak, SAC ralkap pawl nih hriamngan an thlah lengmang tiah theih a si.
September 1 zong ah Kutkai peng, Khu-mone khua pawng ah SAC ralkap Infantry 577, Infantry 45, Sah-Kah-Khah 17 hna le TNLA karlak ah sml 1 le cheu leng kahdohnak a fak tiah TNLA nih an chim.
September 1 zaanlei sml 6:00pm hrawng zong ah SAC Brigade 99 kuttang Infantry 420 he Lwaikyalaw khuapawng ah kahdohnak a fak ṭhan i Namphatka le Lwaikyalaw hrambunh SAC ralkap pawl nih hriamngan an kah lengmang.
Kahdohnak pawl chung ah kaphnih lei a thi mi an um bantuk in khuami cheukhat zong an nunnak a liam tiah TNLA nih theihternak an tuah.
