TNLA Nih Taung Hkam Um SAC Ralkap Mah-Sah-Khah 902 le Ah-Mah-Tah 354 An Lak
The Chinland Post | 2024 September 19 — Shan ram chaklei, Naunghkio peng, Taung Hkam khua hrambunh SAC No. 902 Hriamngan Sakhaan Zungpi (မစခ – ၉၀၂) le No. 354 hriamngan Battalion (အမတ – ၃၅၄) hna cu TNLA, DPLA le PDF phufonh pawl nih tlamtling tein an lak khawh cang tiah The Irrawaddy Burmese nih a langhter.
Cubantuk in an lak khawh cang caah ralkap University pawl an umnak Pyin Oo Lwin cu Taung Hkam le Naunghkio lei in naihnak a fawi deuh cang lai i Mah-sah-khah 902 in a kir mi SAC ralkap pawl cu Lawksawk lei ah an va i fun ṭhan tiah theih a si.
Cu hriamngan ralkap sakhaan zungpi an sungh nakhnga lo Yangon Regional Command in Tactical Operator an thlah i fakpi in a khamter hna bantuk in vanlei, hriamngan in a doh chih ko nain a sungh hi a si i Lawksawk khua ah tha tein khamnak a tuahter ṭhan hna tiah an langhter.
Shan ram chaklei ah kahdohnak daihter ding Tuluk nih August 29 ah TNLA sin ah ralrinnak ca a rak kuat bal.
About The Author
