Tonzang Ah Motor Aa Let; Minung Pakhat A Thi I Pahnih An I Hliam
City Hunter| 2018 Tho 5| Chin ramkulh, Tonzang peng, Tuitum khua pawng ah October 4 ahkhan motor pakhat chengpalang i a tlak ruang ah minung pakhat a thi i minung pahnih hliamhma an tuar tiah theih a si.
October 4 zanlei suimilam 3:00 hrawng ah Zam Sin Hau (kum 19) @hringtu a pa U Pau Suan Kham; monghmi SKAT motor pakhat cu Natzang khua ah thetse a phor i Tonzang-Cikha lampi – Tonzang khua in falung 5 aa hlatnak hmun ah break a out kho ti lo i pe 120 a sangmi chengpalang ah aa tla i aa let.
Hiti motor a tlak ruang ah motor mongtu Zam Sin Hau cu motor a tlaknak hmun ah a thi colh. Motor a zultu minung pahnih; Suan Biak Sang (kum 20) @hringtu a pa U Zin Sin Thang le Dal Za Kap (kum 20) @hringtu a pa U Thang Sui Thawng cu hliamhma an tuar nain thinphang tuk cu an si lo tiah Tonzang khuami pakhat sin in theih a si.
Daithlang in motor a mongh ruang i chengpalang ah a tlakter pin ah hliamhma le mi nunnak dih tiang motor a mongtu Zam Sin Hau cu yazar-tat-gyi pohmah 337/338/304 in dantat a si lai tiah theih a si.
Ref: Khonumthung News
