Tonzang mipi uknak phu nih peng chung khua 50 leng a tlaih khawh
The Chinland Post | 2022 October 6 – Chin ramkulh, Tonzang peng mipi uknak phu nih khua 50 leng an tlaih khawh tiah CDF-Tonzang nih October 4 ah a thanh.
Tonzang mipi uknak phu cu CRPH tang in dirhmi mipi uknak phu a si i atutiang Tonzang peng mipi uknak phu min in fek tein a dir khawh bantuk in CDF-Tonzang hruainak in hmunhma tlaih khawh kha kan i tinh mi a si tiah a langhter.
Atu ahcun khua 90 leng chung ah Tonzang peng mipi uknak phu nih Tozang peng hmunhma a cheu leng cu a tlaih khawh cang tiah a thanh.
SAC ralkap, palek le ZRA hna nih cawlcanghnak an tuah caah Tonzang peng hmunhma a zapi tein kan tlaih khawh rih lo caah hriam thazang chap in Tonzang peng mipi he fonh in hmunhma zapi tein kan tlaih khawhnak hnga kan doh rih lai tiah theihternak a tuah.
ZRA phu cu SAC ralkap a dohtu CNF/A telh CDF pawl he kahdohnak, buainak hna a chuah tertu phu a si. Cu leng ah, SAC ralkap he rian an ṭuanṭinak tette pawl kha hmuh khawh a si i ZRA cu ralhrang phu a si tiah CJDC nih a rak thanh.
About The Author
